الجمعة 29 مارس 2024 09:43 صـ 19 رمضان 1445هـ
الوادي

رئيس مجلس الإدارة طارق نديم

رئيس التحرير محمود نفادي

  • جريدة الوادي
رأي

جيل هيحتار فيه التاريخ بقلم مجدى عثمان القيادى بحزب مصر بلدى

الوادي

إحنا جيل هيتوصف بإيه في التاريخ ؟؟

جيل شاف العربية ب ٢٠٠٠ جنيه
وشافها ب٢ مليون جنيه

جيل شاف الشقة التمليك ب ٣٠٠٠ ج وشافها ب٣ مليون جنيه

شاف فدان الارض ب ٥٠٠ جنيه و شايفه دلوقتي بمليون

شاف رغيفين عيش بقرش صاغ و الحاجة الساقعة بقرشين
ودلوقت شايف الرغيف بجنيه وعلبة الحاجة الساقعة ب ٤ جنيه

شاف البيضة بقرشين والكبيرة ب٣ قروش ودلوقتي شايف البيضة ب٣ج

شاف رئيس بيحكم ٣٠ سنه و شاف ٢ كل واحد قعد سنة

شاف عظماء الفن و الأدب و شايف دلوقتي قلة الأدب
جيل شاف الخطيب وحسن شحاتة في الملعب والفريق مرتجي وزامورا وكابتن لطيف برة الملعب
وشايف دلوقت كهربا والونش ومورتا وشلبوكة

جيل شاف ام كلثوم وعبد الحليم حافظ وشاف سامية جمال وتحية كاريوكا ...وايضا سما المصرى ومحمود الليثى واوكا واورتيجا…جيل سمع اراك عصى الدمع وسمع مابلاش من ..يا حوده....جيل سمع اسمر يا اسمرانى...وسمع اديك فى الجركن تركن

الفترة الذهبية:

نحن مواليد الفترة من ١٩٤٠ إلى ١٩٧٠ , أعمارنا من ٥٠ إلى ٨٠ عاما ..
هي الفترة الأكثر تميزا في تاريخ البشرية حيث أن مواليدها .. عكس مواليد كل الفترات السابقة واللاحقة .. قد مروا بكل ما هو سيئ .. وكل ما هو جميل ..
• لبسنا المريلة البيج (تيل نادية) .. وجلدنا الكراسات باللون الأزرق والأبيض الشفاف.
• كانت المعيشة أكثر سهولة وبساطة .. وكان سعر الخروف ٢٠٠ جنيها وإيجار المنزل ١٠ جنيهات.
•عاصرنا محمد نجيب وعبد الناصر والسادات ومبارك ومرسى والسيسى .
• عاصرنا حروب ٥٦ – ٦٧ – ٧٣ .. وكذا حرب لبنان .. وسقوط شاه إيران .. وحرب العراق وإيران وغزو العراق للكويت , وحرب الخليج , وغزو أمريكا للعراق , وصواريخ سكود وباتريوت .. والجهاد في أفغانستان وسوريا ..
• لبسنا البنطلون الشارلستون , والقميص المشجر , والياقات العريضة والخنافس ..
• أطلقنا الشعر الطويل .. وعملنا السوالف العريضة وتسريحة حليم .. وفرح ديبا.
• أكلنا بسكويت وشيكولاتة كورونا ولبان شكلتس من لبنان .. وآيس كريم الأمريكيين وجروبي .. والميريلاند وجلسنا في حديقة الشاي بحديقة الحيوان بالجيزة ..
• لبسنا السابو الكعب العالي من باتا ..
• شاهدنا مسلسل القط الأسود وسماره والشبح .. وكنا نذهب لمشاهدة السينما في العيد ..
• كنا نلمع الحذاء قبل أي مشوار ..
• شاهدنا أفلام طرازان وميكي وصوت الموسيقي , وذهب مع الريح وLOVE STORY .. وسنجام وسوراج والفيل صديقي , ومسرحيات فؤاد المهندس ومدرسة المشاغبين , ومسرح الريحاني وإسماعيل ياسين , وسينما مترو وكايرو , وراديو وقصر النيل ..
• شاهدنا برنامج النادي الدولي , ونادي السينما .. وألف ليلة وليلة والرحيل وأبن الحتة ..
• عاصرنا عمر الشريف وفاتن حمامة , وشادية وهند رستم , وكمال الشناوي وأنور وجدي وعماد حمدي وليلي مراد ..
• نجيب محفوظ وطه حسين والعقاد وتوفيق الحكيم , ويوسف السباعي ويوسف إدريس , وإحسان عبد القدوس ..
• صالح سليم والفناجيلي وسمير قطب وعادل هيكل وحنفي بسطان ومحمد لطيف وحسين مدكور ..
• عاصرنا فترة السبعينات نجلاء فنحي , ناهد شريف , شمس البارودي , سهير رمزي , ميرفت أمين , أحمد رمزي , رشدي أباظة , فريد شوقي , نور الشريف , محمود عبد العزيز , أحمد زكي .. حتى: منه شلبي وأحمد عز ..
• كنا نلعب الكونكان والكومي والإستميشن ونط الحبل والأولي وسبع طوبات والهيلا هوب
• كانت هواياتنا المشي , واللعب في الشارع .. والوقوف علي النواصي .. وصيد العصافير بالنبلة وسرقة النبق من الشجر عند الجيران.
• أدركنا كبار السن وعمالقة الجيل القديم ..
• مطعم الألفي وأبو شقرة .. وكازينو الشجرة وقصر النيل ..
• سمعنا مسلسلات الراديو .. وشاهدنا التلفاز الأبيض الأسود وإنهاء الإرسال الساعة ١١ مساءا .

شاف احمد عدويه وحسن الأسمر وأحمد رشدي و شاكوش محمد رمضان فتي الشاشه الأول وكما حمو وبيكا

احنا جيل شاف كل حاجة وشاف عكسها

احنا جيل هيحتار فينا التاريخ

مواقيت الصلاة

الجمعة 09:43 صـ
19 رمضان 1445 هـ29 مارس 2024 م
مصر
الفجر 04:20
الشروق 05:48
الظهر 11:60
العصر 15:30
المغرب 18:12
العشاء 19:30

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار الأسعار بالجنيه المصري
عيار 24 بيع 2,494 شراء 2,505
عيار 22 بيع 2,286 شراء 2,296
عيار 21 بيع 2,182 شراء 2,192
عيار 18 بيع 1,870 شراء 1,879
الاونصة بيع 77,555 شراء 77,910
الجنيه الذهب بيع 17,456 شراء 17,536
الكيلو بيع 2,493,714 شراء 2,505,143
سعر الذهب بمحلات الصاغة تختلف بين منطقة وأخرى