احمد امين مسعود اهلاوي يتمنى الفوز للزمالك هذة الروح الرياضية

صحيح أنا أهلاوي والنادي الأهلي بالنسبالي جزء من تكويني وشخصيتي ، بس ماقدرش أنكر لحظة أن المنافس الرئيسي لينا نادي الزمالك هو صرح رياضي كبير وواحد من أهم مصادر القوة الناعمة لمصر في أفريقيا والعالم العربي ، عشان كده أنا دايماً بقول ان مصلحة الأهلي ان الزمالك يكون قوي لأن المنافسة المحلية القوية هي اللي بتفرز نادي قادر على المنافسة في البطولات القارية والدولية ، وكمان مصلحة المنتخب أن الأهلي والزمالك وباقي الأندية يكونوا في أفضل حال وماحدش ينسى ان الجيل الذهبي للمنتخب المصري اللي حصد ٣ بطولات كأس أمم أفريقيا بقيادة الكابتن الكبير حسن شحاتة كان أغلبيته من اللاعبين المحليين في مختلف الأندية ، ومن الزاوية دي أنا مهتم باللي بيحصل في نادي الزمالك وبدعم أي خطوة على طريق استقراره.

صحيح أنا ماعنديش توجه لدعم أي قائمة أو شخص للحصول على أي منصب في النادي لكن أنا واثق ان أبناء نادي الزمالك قادرين على تصحيح المسار بأسرع مما نتخيل.

كل الأمنيات بالتوفيق لمنافسنا التاريخي نادي الزمالك.