برلمانى سابق يوجه رسالة لرئيس الوزراء بمناسبة قطع الكهرباء

وجه نائب مجلس الشعب السابق خالد حامد محمود رئيس الهيئة البرلمانية لنواب محافظة البحيرة فى مجلس الشعب عام ٢٠٠٠رسالة الى الدكتور مصطفى مدبولى رئيس مجلس الوزراء بشان تصريحاته عن اسباب قطع الكهرباء عن المواطنين

( بالعامية...حكاية كهرباء بتقطع ..إعادة نشر بمناسبة تصريحات السيد رئيس الوزراء الغير حقيقية عن دعم غير موجود بقيمة ٩٠ مليار جنية سنويا ! يعني فيها ايه لما السيد يتفك معانا في كلام غير حقيقي ب ٩٠ مليار ! ..)

☆☆☆الناس في بلدنا مستعجبة اوي من حدوتة قطع الكهرباء ...بعد كل الكلام عن الفائض واننا دغدغنا الدنيا و بعد كل ده وجدو الكهرباء بتقطع وكأنك يا زيد ما غزيت ...

ايه الحكاية !! ده احنا استدنا عشان محطات !! ده كانوا بيقولوا هنصدر !!! معقولة ده ..

☆☆هحكي لحضرتك ..

١. بلدنا تنتج حاليا تقريبا ما يقترب من ٦٠ جيجاوات ( بدقة ٥٧ جيجاوات) ....و أقصي احتياج لنا لا يتخطي ٣٥ جيجا وات لو درجة الحرارة وصلت ٥٠ ده لو المخاليق كلها طلع عندها تكييفات و شغلتها ....يعني ببساطة عندك فائض ٢٢ جيجا ( أمانة عليك تفتكر الرقم برده ) ...يعني ببساطة عندك فائض يقترب من ٤٥% من إنتاجك !!!! و أقصي هامش فائض يقترب من المنطق عالميا هو 15% يعني انت سيادتك متفرد عن العالم بدون أي منطق ! وطبعا بتدفع تمن اللا منطق ده .
٢.المدهش أكثر أن الفائض ده ، ليس له أي فائدة ..يعني سيادتك لا بيتخزن و لا غيره ..حتي مشاريع الربط او النقل ..هي صعبه و متعثرة في أغلب الأحوال الا مع الدول الملاصقة ..لأسباب أهمها ارتفاع تكلفة النقل ...حاجه كده اسمها cost effectivenss....بالإضافة إلي تكلفة الإنتاج المرتبط بالوقود المستخدم ....فكم مرة سمعنا عن التصدير لأفريقيا و اوروبا بيد أنه علي أقصي تقدير ننقل كهرباء للسعودية ، الاردن و السودان بكميات محدودة وهو ما يطلق عليه ربط كهربائي في اوقات الذروة ...هذا دون أن ننسي ، تحملنا تكلفة خطوط النقل للسودان ..
٣.المدهش أكثر و أكثر ان الفائض ده ، بالإضافة إلي أنه لا يستغل بل مكلف للدولة ، فأنه مكلف للأفراد ، حيث أنه يتم تحميل جزء من التكلفة على المستهلك لرد تكلفة الانشاء !!! يعني سيادتك بتدفع ثمن العك ده ..
٤.يعني مش هنصدر كهرباء ! يعني استخدام ديون قصيرة المدي في معظمها لانشاء محطات كهرباء تجعل لدينا فائض مدهش وغير مسبوق عالميا لدرجة انه حمل علي المواطن وعلي سعر الخدمة ، هو امر غير مفيد..معقولة !
٥.ايه ده ..يعني طلع ان محطات الكهرباء بتستهلك غاز وفحم ..يعني طاقة !! جديدة دي ! مفاجأة مدهشة !!
يعني مش منطقي انك تنتج اكثر من هامش بسيط لا يزيد عن ٥% فوق حاجتك !!
٦.ايه ده...يعني لازم نوفر استهلاك كهرباء عشان نحافظ علي الطاقة !! او كما فعلنا مع التزامن مع ازمة الغاز في فصل الشتاء في اوروبا بعد الحرب الاوكرانية .....معقولة الكلام ده !!
●طيب هتقول ايه لو عرفت ان مخازن اوروبا ممتلئة من الغاز هذا الصيف ..حتي ان اسعاره يالسالب !!! يبقي انت بتصدر لمين دلوقتي ام ان المعضلة في صيانة المحطات وارتفاع تكلفتها و انخفاض عوائد ظهر ؟
٧.ايه ده ..يعني هنصدر غاز مش كهرباء ! طيب والمحطات !! طيب والديون ! اه فهمت ..هنسدد بثمن الغاز فوايد الديون التي اخذناها لانشاء محطات تنتج فوق المنطقي عن حاجتنا ...
٨.تخيل بعد كل ده قررنا نطرح محطات للييع بعد لما انشأناها بديون قصيرة المدي وبعضها بنسبة تمويل من المانيا كمساعدة للدول النامية ...وده اللي معطل البيعة ..انك بتبيع حاجه جاية بمساعدة اجنبية وكمان بقروض !
٩.طيب تخيل بعد كل ده ، السيد رئيس الوزراء طالع يكلمنا عن دعم غير موجود بتتحمله الدولة لدعم الكهرباء اللي هي اصلا بتقطع !! ببساطة انت بقالك ٤ سنوات ، الدعم = صفر !!!! وده من موازنة الدولة ...ويطلع يعايرنا وبالكذب !
°تخيل وصلت الحكاية لكده . اه اتخيل طبعا !
☆☆☆احنا مخاصمين العلم والعقل من زمان ..وواخدينها عافية ...وفاكرين اننا هنشخط في الدولار فهينزل ...وهنعمل محطات بالزوفة فهنبقي تمام ..ونغرق في ديونها عادي .. وتقطع الكهرباء عادي عشان نوفر الغاز ونعك عكا عظيما والغريبة اننا بنتفاجيء اننا بنعيش اسوء ايامنا ...
●طب تصدق سيادتك...ده اقل واجب ..